លោកម៉ៅ មុនីវណ្ណ បកស្រាយអ្វីដែលគណបក្សសម រង្ស៊ី ចោទមកលើ គណបក្សសិទ្ធិ មនុស្ស
កន្លងមកមានព័ត៌មានពីគណបក្សសម រង្ស៊ី ដែលចោទទៅលើគណបក្ស សិទ្ធិមនុស្សថាបានទិញទឹកចិត្តសកម្មជនគណបក្សសម រង្ស៊ី ដើម្បីទៅបោះឆ្នោតព្រឹទ្ធសភាអោយគណបក្សប្រជាជន កម្ពុជា….
ឥលូវសូមចូលមកមើលការបកស្រាយ របស់លោកម៉ៅ មុនីវណ្ណ ដែលជាអតីតអ្នកតំនាងរាស្រ្តនៃគណបក្ស សម រង្ស៊ី ដែលបានធ្វើសេចក្តី សម្រេចចិត្ត មកចូលរួមជាមួយគណបក្ស សិទ្ធិមនុស្ស ។
លោកម៉ៅ មុនីវណ្ណ៖ “ខ្ញុំដឹងច្បាស់ ព្រោះខ្ញុំធ្លាប់ជាមន្រ្តីនៃគណបក្ស សម រង្ស៊ី ហើយជាមន្រ្តីជាន់ខ្ពស់ទៀត ខ្ញុំដឹងទង្វើ ថាជាវប្បធម៌ដដែលៗរបស់គណបក្ស សម រង្ស៊ី ។
ខ្ញុំនៅតែគោរពឯកឧត្តមសម រង្ស៊ី គាត់មានឧត្តមគតិ ស្នេហាជាតិ គាត់ហ៊ានប្រឆាំងនឹងបរទេស និងហ៊ានប្រឆាំងនឹងជនផ្តាច់ការ ខ្ញុំគោរពលោក ។ តែមនុស្សនៅក្រោមគាត់ បី-បូន-ប្រាំនាក់ ….. ពីរបីគ្រួសារនឹង ជាមនុស្សដែល…. ខ្ញុំប្រាប់ហើយពីខាងដើម គឺពូកគេទទួលផលប្រយោជន៍ពីគណបក្ស កាន់អំណាច ។ ហើយគាត់បំបែកបំបាក់ផ្ទៃក្នុងគណបក្ស សម រង្ស៊ី ។
ហើយថ្មីៗនេះ នៅខាងគណបក្ស សម រង្ស៊ី ខេត្តកំពង់ចាម ក្រោយពីមានការ ចាកចេញ……មានខ្ញុំម៉ៅ មុនីវណ្ណ មានឯកឧត្តមតំនាងរាស្រ្តខេត្តតាកែវ មានឯកឧត្តមវ៉ាន់ ស៊ីវឿនសមាជិកព្រឹទ្ធសភា បានចាកចេញមក ….. ផ្ទៃក្នុងគណបក្សសម រង្ស៊ី ខេត្តកំពង់ចាមមានការបែកបាក់ ធ្ងន់ធ្ងរ មែនទែន …… មួយក្រុម ដែលមានឧត្តមគតិមាន ឆន្ទះចង់បន្តរឧត្តមគតិស្នេហាជាតិរបស់ខ្លួននោះ បានងាកមក ចូលរួមជាមួយ គណបក្ស សិទ្ធិមនុស្ស ហើយមួយក្រុមទៀតបានអស់សង្ឃឹមនឹង មេដឹកនាំរបស់ខ្លួននឹង ក៏ងាកទៅគាំទ្រគណបក្ស កាន់អំណាច ….. តែខ្ញុំអត់បន្ទោសគាត់ទេ។
មួយទៀតគឺទង្វើរ អយុត្តិធម៌ ….វប្បធម៌អយុត្តិធម៌នៅក្នុងបក្ស ដូចជាការត្រៀមបេក្ខជនព្រឹទ្ធសភា នៅក្នុងគណបក្ស សម រង្ស៊ី ខេត្តកំពង់ចាម អ្នកដែលគ្នាខំដុតដៃ ដុតជើង ពីដើមទីមក…. ដែលធ្វើជាអនុប្រធានខេត្តតាំងពីជំនាន់ខ្ញុំ…. រហូតមក…. គ្នាអត់បានឈរ អាលីង….. ដល់អញ្ចឹង អ្នកនឹងគឺអត់សប្បាយចិត្តទេ….. ដល់អត់សប្បាយចិត្ត…..ចង់មិនចង់ ចង់អូសទាញកម្លាំង ចង់ទៅ ទទួលផលប្រយោជន៍ពីគណបក្ស កាន់អំណាច…… ។
ហើយមេដឹកនាំគណបក្ស សម រង្ស៊ី ខេត្តកំពង់ចាមនឹង គាត់ជាអ្នកអនុវត្តន៍ ដែលខ្ញុំប្រាប់ថា ក្រុមគ្រួសារគាត់នឹង ទទួលផលប្រយោជន័ ពីគណបក្ស កាន់អំណាច ។ គាត់ដឹងខ្លួនឯងច្បាស់ណាស់ថានឹងបរាជ័យ នៅពេលបោះឆ្នោតព្រឹទ្ធសភា ខាងមុខនេះ និងមានការបាត់សម្លេងច្រើន ។ អញ្ចឹងគាត់ប្រកាសជាសារធារណៈ គាត់ចោទប្រកាន់មកលើមកលើគណបក្ស សិទ្ធិមនុស្ស…. គាត់លាភពណ៌មកលើ គណបក្ស សិទ្ធិមនុស្ស ទាំងអយុត្តិធម៌ ។…..
តាំងពីខ្ញុំធ្វើសេចក្តីសម្រេចចាកចេញពីគណបក្ស សម រង្ស៊ី មក….. សកម្មជនគណបក្ស សម រង្ស៊ី ជាពិសេសនៅស្រុកកោះសូទិន បានសំណូមពរខ្ញុំ ថាអោយខ្ញុំឈរឈ្មោះព្រឹទ្ធសភាទៅ លោកនឹងបោះឆ្នោតជូន នៅខេត្តកំពង់ចាមនេះ ។
ខ្ញុំបានជំរាបរឿងនេះ មកឯកឧត្តមប្រធាន ឯកឧត្តមអគ្គលេខាធិការ សមាជិកគណអចិន្រ្តៃយ៍គណបក្ស សិទ្ធិមនុស្សទាំងអស់ថា… ឥលូវគេសំណូមពរ អោយខ្ញុំឈរឈ្មោះ ព្រឹទ្ធសភា តើត្រូវធ្វើយ៉ាងម៉េច?……. ។
គណបក្ស សិទ្ធិមនុស្ស សម្រេចថា អត់ត្រូវឈរទេ តែឈរឈ្មោះ គឺបំបែកបំបាក់អ្នក ប្រជាធិបតេយ្យហើយ ។ ហើយបែរជាគណបក្ស សម រង្ស៊ី ចោទប្រកាន់មកលើមនុស្សល្អ មនុស្សដែលស្មោះត្រង់បំផុត… មនុស្សដែលមានសារគុណទៅលើខ្លួនទាំងអយុត្តិធម៌ទៅវិញ។
……ថ្នាក់ដឹកនាំគណបក្ស សម រង្ស៊ី គាត់ដឹងមុនហើយថាការបោះឆ្នោតព្រឹទ្ធសភាខាងមុខ នឹងមានការបាត់បង់កៅអីច្រើន អញ្ចឹងគាត់លាភពណ៌មកលើ គណបក្ស សិទ្ធិមនុស្ស ពិសេសអតីតសមាជិកគណបក្ស សម រង្ស៊ី ដែលមកចូលរួមជាមួយគណបក្ស សិទ្ធិមនុស្ស ។
ហើយប្រឌិតរឿងមួយទៀត គឺរឿងនៅបាត់ដំបង ហើយមនុស្សដែលយកមកប្រឌិត ជាមនុស្សដែលជិតស្និតនឹងអតីតអគ្គលេខាធិការអេង ឆៃអៀង នៅបាត់ដំបងនឹងហ្មង គឺកែ សុវណ្ណរិទ្ធ ជាមនុស្សរបស់គេ ។ អញ្ចឹងហើយគេប្រឌិត ធ្វើផ្តិតមេដៃ អីណា!! ផ្ញើលិខិតនឹងទៅលោកប្រធានសម រង្ស៊ី នៅស្រុកក្រៅ ហើយលោកសម រង្ស៊ី ក៏ចេះតែជឿដែរទៅ ។
តាមពិតជាយុត្តិសាស្រ្តរបស់អ្នកនឹងទាំងអស់ ដើម្បីបិទបាំងភាពអាម៉ាស់របស់ខ្លួន ថាខ្លួនដឹកនាំនៅទីនោះ(បាត់ដំបង)ពេលបាត់់បង់ទៅ ដើម្បីបិទបាំង ភាពអាម៉ាស់នោះ។
អញ្ចឹងខ្ញុំសូមអំពាវនាវទៅគណបក្ស សម រង្ស៊ី ថាល្មមហ្អើយ ល្មមហើយ អាវប្បធម៌លាភពណ៌មកលើ គណបក្ស សិទ្ធិមនុស្សនេះ ល្មមឈប់ទៅ ព្រោះម៉ៅ មុនីវណ្ណនៅទីនេះ ដឹងណាស់ ដឹងគំនិតអស់លោកច្បាស់ណាស់ ុកុំបាច់ចាំលាភពណ៌ដដែលៗហ្នឹង ។ “
បញ្ជាក់៖ ការបោះឆ្នោតព្រឹទ្ធសភាខាងមុខគឺនៅថ្ងៃ ២៩ មករា ឆ្នាំ២០១២ ។
ការបោះឆ្នោតឆ្នាំ២០០៨ មានតែមណ្ឌលសម្តេចហ៊ុន សែនតែមួយគត់ដែលធ្លាក់សម្លេង
កាលពីការបោះឆ្នោតជ្រើសរើសតំនាងរាស្រ្តឆ្នាំ២០០៨ គណបក្ស ប្រជាជន កម្ពុជា បានឈ្នះឆ្នោត ភ្លូកទឹកភ្លូកដី នៅទូទាំងប្រទេស ។ បើបៀបជាមួយនឹងការបោះឆ្នោតឃុំសង្កាត់ឆ្នាំ២០០៧វិញ គណបក្ស ប្រជាជន កម្ពុជា មានសម្លេងកើនឡើង ស្ទើតែគ្រប់មណ្ឌលទាំងអស់ ។ ប៉ុន្តែមកអភ័ព្វអីតែ មណ្ឌលរបស់សម្តេចហ៊ុន សែន តែមួយគត់ ដែលគាត់ជាបេក្ខជនតំនាងរាស្រ្តលំដាប់ទី១ នៅលើគេបង្អស់ និងជាបេក្ខជន នាយករដ្ឋមន្រ្តីទៀតផងនោះ សម្លេងឆ្នោតនៅមណ្ឌលរបស់គាត់គឺមិនបានកើនឡើងឡើយ តែបែរជាធ្លាក់សម្លេងចុះទៅទៀត ។
សូមបញ្ជាក់ថា៖ សម្លេងដែលធ្លាក់ចុះមានចំនួន ពីរម៉ឺនបីពាន់បីរយម្ភៃមួយសម្លេង (២៣,៣២១សម្លេង) ។
ហើយមណ្ឌលដែលគាត់ឈរឈ្មោះគឺនៅខេត្តកណ្តាល ដែលជាមណ្ឌលធំលំដាប់ទី៣ នៅទូទាំងប្រទេស បន្ទាប់ពីមណ្ឌលខេត្តកំពង់ចាម និងរាជធានីភ្នំពេញ ។
គណបក្សហ្វ៊ុនស៊ិនប៉ិច លើកដៃ បាយបាយ ព្រឹទ្ធសភានៅ នីតិកាលទី៣
គណបក្សហ្វ៊ុនស៊ិនប៉ិច ដែលធ្លាប់តែមានតំនាងនៅក្នុងព្រឹទ្ធសភា ឥលូវនេះជិតដល់ថ្ងៃដែលត្រូវឃ្លាតចាកពីព្រឹទ្ធសភាហើយ ព្រោះថាការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៣ នឹងធ្វើឡើង នៅថ្ងៃទី២៩មករា ឆ្នាំ២០១២ខាងមុខ មានតែពីរគណបក្សប៉ុណ្ណោះចូលរួមគឺ គណបក្សប្រជាជនកម្ពុជា និងគណបក្សសមរង្ស៊ី ។
គួររំលឹកដែរថា៖
-ព្រឹទ្ធសភា នីតិកាលទី១ ៖គណបក្សប្រជាជនកម្ពុជា មានចំនួន ៣១ រូប, គណបក្សហ្វ៊ុនស៊ិនប៉ិច ២១ រូប, គណបក្សសមង្ស៊ី ៧ រូប និងតំណាងព្រះមហាក្សត្រ ចំនួន ២ រូប ។
-ព្រឹទ្ធសភា នីតិកាលទី២ បោះឆ្នោតអសកលថ្ងៃ ២២មករា ឆ្នាំ២០០៦ ៖ គណបក្សប្រជាជនកម្ពុជា មាន ៤៥ រូប, គណបក្សហ្វ៊ុនស៊ិនប៉ិច មាន ១០ រូប,គណបក្សសមរង្ស៊ីមាន២រូប,តែងតាំងដោយព្រះមហាក្សត្រ២រូប និងជ្រើសតាំង ដោយរដ្ឋសភា២រូបមកពីគណបក្សហ្វ៊ុនស៊ិនប៉ិច ។
សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៣ នៅថ្ងៃទី២៩មករា ឆ្នាំ២០១២ ដូចនៅឆ្នាំ២០០៦ ដដែល ដែលធ្វើឡើងជាលក្ខណៈអសកល គឺមានតែសមាជិករដ្ឋសភា ១២៣ រូប និងក្រុមប្រឹក្សាឃុំសង្កាត់សរុបចំនួន ១១.៣៥៣ រូបជាអ្នកបោះឆ្នោត ។