ការបោះឆ្នោតឃុំ សង្កាត់ឆ្នាំ២០១២ បក្សប្រជាជន បានធ្លាក់សម្លេងគាំទ្រ នៅខេត្តចំនួន៧
ការបោះឆ្នោតឃុំ សង្កាត់ថ្ងៃ ៣ មិថុនា ឆ្នាំ២០១២ តាមរយៈ ការផ្ទៀងផ្ទាត់ជាមួយ លទ្ធផលបឋមរបស់ គណកម្មាធិការជាតិ រៀបចំការបោះឆ្នោត គណបក្សប្រជាជនកម្ពុជា បានធ្លាក់សម្លេងគាំទ្រនៅខេត្តចំនួន ៧ខេត្ត បើប្រៀបធៀបជាមួយលទ្ធផល បោះឆ្នោត តំនាងរាស្ត្រនាឆ្នាំ ២០០៨ ដែលខេត្តទាំងនោះ រួមមាន៖
. ខេត្តកំពង់ចាម (មណ្ឌលធំលំដាប់ទី១)
. ខេត្តកណ្តាល និងព្រៃវែង (មណ្ឌលធំលំដាប់ទី៣)
. ខេត្តកំពង់ធំ បន្ទាយមានជ័យ និងស្វាយរៀង (មណ្ឌលមធ្យម)
. ខេត្តកោះកុង (មណ្ឌលតូច)
ផែនការគណបក្ស សិទ្ធិមនុស្ស នាពេលបច្ចុប្បន្ន
ឆ្នាំ២០១២ ចូលមកដល់ ជាសញ្ញាប្រកាសថា ការបោះឆ្នោតសកលធំៗពីរ ក៏កាន់តែខិតជិតចូលមកដល់ផងដែរ ហើយបើក្រលេកមើលមក គណបក្សសិទ្ធិមនុស្សវិញ ក៏កំពុងតែមមាញឹកយ៉ាងសស្រាក់ ដើម្បីត្រៀមខ្លួនចូលក្នុងរដូវ បោះឆ្នោតខាងមុខ ដែលគណបក្ស មួយនេះ កំពុងរៀបចំ ផែនការមួយចំនួនជាបណ្តើរៗ ដូចខាងក្រោម៖
–នៅខែមករា ឆ្នាំ២០១២នេះ គឺគណបក្ស សិទ្ធិមនុស្ស នឹងរៀបចំការបោះឆ្នោត ជ្រើសរើស គណកម្មការប្រតិបត្តិ គណបក្សសិទ្ធិមនុស្ស នៅតាមគ្រប់ឃុំ ទាំងអស់ ដើម្បីចាត់តាំង ថ្នាក់ដឹកនាំ មូលដ្ឋាន ។
–ចាប់ពី ថ្ងៃ ១៥ ខែមករា រហូតដល់ថ្ងៃ ១៥ ខែកុម្ភះ ឆ្នាំ២០១២នេះ គណបក្ស សិទ្ធិមនុស្ស នឹងរៀបចំបញ្ជីបេក្ខជន ក្រុមប្រឹក្សា ឃុំសង្កាត់ ដើម្បីត្រៀមខ្លួន ដាក់ចូលទៅក្នុង គ.ជ.ប នៅថ្ងៃទី ៣ ខែ មិនាឆ្នាំ 2012នេះ ដើម្បីរៀបចំចូលរួមក្នុងការបោះឆ្នោត នៅថ្ងៃ ៣ ខែមិថុនា ឆ្នាំ២០១២ ខាងមុខ។
-រៀបចំឯកសារ សម្រាប់ឃោសនា និងកម្មវិធីនយោបាយ មូលដ្ឋានដែលមាន កម្មវិធីនយោបាយ អាទិភាព 9ចំនុច ដែលផ្តោតទៅលើពលរដ្ឋនៅមូលដ្ឋាន ។
មកដល់ពេលនេះ តើបក្សកាន់អំណាច បានធ្វើតាម ខសន្យាទាំង ១១ខ របស់ខ្លួន ដល់កំរិតណាហើយ?
ដោយសារតែបារម្ភ ខ្លាចបងប្អូនម្ចាស់ឆ្នោត គ្មានពេលសម្រាប់តាមដានទៅលើគណបក្ស ដែលបងប្អូនបានបោះឆ្នោតជូន ខ្ញុំសូមសង្ខេបនូវ គោលការណ៍ទាំង ១១ខ ដែលគណបក្ស ប្រជាជន បានសន្យាមុនជាប់ឆ្នោតកាលពីឆ្នាំពី2008 ដែលមានដូចខាងក្រោម ថាតើគណបក្សដែលបងប្អូនបានបោះឆ្នោតជូន ធ្វើតាម ខសន្យាបានប៉ុន្មានចំនុចដែរ…..
សូមជួយតាមដានជាមួយខ្ញុំ….
1-មិនបែងចែកនិន្នាការនយោបាយ ។ មែនអត់?
2-គាំទ្រការបោះឆ្នោតដោយសេរី និងយុត្តិធម៌ ។ មែនអត់?
–ការពារលើកតម្កើងសិទិ្ធសេរីភាពគ្រប់បែបយ៉ាងរបស់ប្រជាពលរដ្ឋ ។ មែនអត់?
–ពង្រឹងសេរីភាពសារពត៌មាន ។ មែនអត់?
-លើកស្ទួយតួនាទីនៃសង្គមស៊ីវិល ក្នុងភាពជាដៃគូក្នុងដំណើរការកសាងប្រទេស ។ មែនអត់?
3-ជ្រើសតាំង សម្តេច ហ៊ុន សែន ជានាយករដ្ឋមន្រ្តី ។ មែន
-បង្កើតរាជរដ្ឋាភិបាលសម្រាប់នីតិកាលទី៤ នៃរដ្ឋសភា ជាមួយគណបក្សហ៊្វុនស៊ិនប៉ិច ។ មែន
4-ប្រឆាំងអំពើពុករលួយ ការពង្រឹងនីតិរដ្ឋយុត្តិធម៌ និងសមធម៌សង្គម ។ មែនអត់?
5-ការពារ ឯករាជ្យ អធិបតេយ្យ និងបូរណភាពទឹកដី ។ មែនអត់?
-ការពារសន្តិភាព ស្ថិរភាព សន្តិសុខ សណ្តាប់ធ្នាប់សង្គម ។ មែនអត់?
-ជីវភាពរស់នៅដ៏សុខសាន្តរបស់ប្រជាជន ។ មែនអត់?
–ដោះស្រាយជនអន្តោប្រវេសន៍ ប្រកបដោយភាពម៉ឹងម៉ាត់។ មែនអត់?
6-ខិតខំរក្សាស្ថិរភាពថ្លៃទំនិញចាំបាច់សម្រាប់ជីវភាពរស់នៅរបស់ប្រជាជន ។ មែនអត់?
7-ថែរក្សាធនធានព្រៃឈើ និងធនធានជលផលឲ្យបានគង់វង្ស ។ មែនអត់?
8-ធានាសុវត្ថិភាពនៃកម្មសិទិ្ធដីធ្លី លើកកម្ពស់ប្រសិទ្ធភាពទីផ្សារដី ជំរុញការបែងចែកដីក្នុងក្របខ័ណ្ឌសម្បទានសង្គមកិច្ចជូនប្រជាជន ក្រីក្រដែលគ្មានដីពិតប្រាកដ ។ មែនអត់?
–ទប់ស្កាត់អំពើហិង្សា ការជួញដូរស្រ្តី និងកុមារ ការផលិត និងជួញដូរគ្រឿងញៀន ។ មែនអត់?
9-លើកតម្កើងវប្បធម៌ ប្រពៃណីជាតិ និងអត្តសញ្ញាណជាតិ ទប់ស្កាត់ការហូរចូលនៃវប្បធម៌អវិជ្ជមា នពីបរទេស។ មែនអត់?
10-ពង្រីកសមិទ្ធផលនានារបស់ សម្តេចអគ្គមហាធម្មពោធិសាល ជា ស៊ីម, សម្តេចអគ្គមហាសេនាបតីតេជោ ហ៊ុន សែន, សម្តេចអគ្គមហាពញាចក្រី ហេង សំរិន ។ មែន
11-ប្រកាន់ខ្ជាប់នយោបាយការបរទេសអព្យាក្រឹត ។ មែនអត់?
Vpost 